Buatmu Sahabat

Beratnya menyimpul coret pena ini

Tandanya suatu cerita hanya sampai di sini

Mencorak lembar baharu lantas bak saksi

Saat kamu ‘kan ghairah meraih mimpi

Terlalu banyak memori pernah tercipta

Segala amarah, canda dan tawa kita

Berbunga sejak detiknya saat bersama

Tersergam afiat riak wajah antara kita

Moga terus maju dan Berjaya sahabat

Dengan tekad niatmu berlimpah rahmat

Semoga kelak engkau kekal teringat

Bahawa hari ini kita pernah berjabat erat!

Montok Dika Ambalut

Winagat momupus ponuatan diti

Panakatanda iso po susuyan opupusan

Id bolikan kawawagu sabaagi panakasaksi

Id timpu kaandasan nu momodimpot iman-imanon

Ogumu kasarahan kalangadan di nowonsoi to

Id katagadan, pikoringahan om nogi koirakan

Minongusak minimpuun id pinirubaan kumoinsan

Otolinahas poinsorou miampai kouros-uroso’ to

Kotilombus ko daa koingkokot om kalantoi

Miampai angkab nu poimponu barakat

Alansan kasaasari nu daa poinsorou

Nokoumbal kito miambalut ogirot di baino!

Terra Madaun

1 May 2018

SISINDIRON : TUPUS

Tupus,

Koboli do kosianan

Kagatang do koinggoritan,

Koulinau do koudipanan,

Kababang do kolungguyan.

Tupus,

Milo nu do poilangon,

Milo nu do ondoson,

Milo nu patahakon,

Om milo nu lansanon.

Nga tupus,

Isai no o koboli,

Isai no milo mamagatang,

Isai no milo papabatos,

Om isai ma milo poposuni.

Posik no om ungkalat no,

Purimono om soroho no,

Tupus, bolio miampai koginawaan,

Gompio no miampai lisi,

Ondoso miampai koirakan,

Torimoo miampai   kaandasan,

Tu’ tupus aiso kosomuli suai ko’ tupus i kasari i koimbulai mantad piromutan di tolidang.